Park Yoochun គ្រោង​​បញ្ចប់​ភាព​នៅលីវ ជាមួយ​តារាស្រី Hwang Hana កំឡុង​ខែកញ្ញា ខាងមុខនេះ!

(កូរ៉េ)៖ Park Yoochun តារាចម្រៀងក្រុម JYJ ត្រូវបានប្រភពស្និទ្ធ នឹងលោកប្រកាសឲ្យដឹងថា តារាប្រុសរូបនេះ ត្រៀមចូលរោងការជាមួយតារាសម្តែងស្រី Hwang Hana នៅថ្ងៃទី១០ ខែកញ្ញា ឆ្នាំ២០១៧ ខាងមុខនេះ ហើយពិធីនឹងរៀបចំឡើង នៅទីក្រុង សេអ៊ូល។

ពេលវេលា ដែលគ្រោងទុកនេះ ត្រូវបានក្រុមគ្រួសារតារាទាំងពីរ បង្ហើបឲ្យដឹងផងដែរ កំឡុងពេលដែលពួកគេជួបពិភាក្សាគ្នា កាលពីខែមីនា កន្លងទៅ។ ចំណែកខាង C-JeS Entertainment ក៏បានចេញប្រកាសថា មិនដឹងពីរឿងរៀបការ របស់អ្នកទាំងពីរទេ ដូចដែល Hwang Hana ផ្ទាល់ នាងបានបដិសេធ ពីការប្រកាសនេះនៅលើ Instagram ដែរ ប៉ុន្តែគម្រោងរៀបការនេះ ត្រូវបានអះអាង ដោយសាច់ញាតិ Park Yoochun ។

ទោះជាយ៉ាងណា នេះជាព័ត៌មានពិត ព្រោះ Park Yoochun និងគូដណ្តឹងបញ្ជាក់ថា ពួកគេមានគម្រោងរៀបការ ក្នុងកំឡុងខែកញ្ញា ឆ្នាំ២០១៧ នេះមែន តែមិនបានអះអាងថា នឹងរៀបការនៅថ្ងៃទី១០ ខែកញ្ញា ដូចដែលព័ត៌មានបញ្ជាក់ ពិតប្រាកដនោះទេ៕