ណុប បាយ៉ារិទ្ធ ត្រូវ​​បាន​​ជន​ខិល​ខូច បង្ហាញ​​ស្ទីល​បោក​​ដ៏​ចាស់​​គំ​រិល​ បោក​​យក​​លុយ​ ១ម៉ឺន​ដុល្លារ (Video Inside)

(ភ្នំពេញ)៖ ជារឿងដ៏គួរហួសចិត្ត ខណៈដែលតារាចម្រៀងប្រុស របស់ផលិតកម្មហង្សមាស គឺលោក ណុប បាយ៉ារិទ្ធ ថ្មីៗនេះ ត្រូវបានជនបោកប្រាស់ម្នាក់ បានទូរស័ព្ទមកលោក ហើយប្រាប់ថា លេខទូរស័ព្ទរបស់លោក ណុប បាយ៉ារិទ្ធ ដែលកំពុងប្រើប្រាស់សព្វថ្ងៃនេះ មានសំណាងឈ្នះទឹកប្រាក់ រហូតដល់១ម៉ឺនដុល្លារ ពីកម្មវិធីសំណាងមួយរបស់ស្ថានីយទូរទស្សន៍ អាស៊ីអាគ្នេយ៍។ ប៉ុន្តែសំណាងល្អ ល្បិចនេះត្រូវបានលោក ណុប បាយ៉ារិទ្ធ ដឹងច្បាស់ ទើបមិនត្រូវធ្វើឲ្យលោក ចាញ់បោកជនខិលខូចម្នាក់នោះ។

បង្ហោះភ្ជាប់ ជាមួយឃ្លីបវីដេអូ នៃការសន្ទនាគ្នា មានរយៈពេលប្រមាណជាង៣នាទី លោក ណុប បាយ៉ារិទ្ធ បានបញ្ជាក់ថា «ប្អូន ចាន់ សីហា លេខទូរស័ព្ទ ០៩៦ ៦ ៣១០ ២៦២ ប្អូនបោកអ្នកណាបាន ដោយសារអ្នកនោះ មិនបានគិតពិចារណាល្អិតល្អន់ ព្រោះអាចរំភើបនឹងលុយ១ម៉ឺនដុល្លារ ដែលជារង្វាន់។ តែប្អូនបោកបងមិនបានទេ មនុស្សដូចបងពិបាកបោកណាស់ ម្យ៉ាងហួសសម័យហើយ style នឹងប្អូន។ សំខាន់ប្អូនយកឈ្មោះថ្នាក់ដឹកនាំ យកឈ្មោះស្ថានីយទូរទស្សន៍គេ យកមកធ្វើរឿង ចឹងប្អូនមិនខ្លាចច្បាប់ទេ?»។

ដូច្នេះដើម្បីបានដឹងកាន់តែច្បាស់ជាងនេះ អំពីល្បិចបោកថ្មីរបស់ជនខាងលើ ដែលបានភ្ជាប់ការសន្ទនាជាមួយ លោក ណុប បាយ៉ារិទ្ធ មានលក្ខណៈលម្អិតយ៉ាងណានោះ សូមទស្សនាជាមួយឃ្លីបវីដេអូខាងក្រោមនេះ ទាំងអស់គ្នា៖