លោក អុិត សេដ្ឋា ធ្លាក់ខ្លួនឈឺស្គមស្គាំងហើយពោះប៉ោង…

ក្តៅៗ លោក អុិត សេដ្ឋា ដែលជាពិធីករជើងចាស់ដ៏មានប្រជាប្រិយមួយរូប ប្រចាំស្ថានីយ៍ទូរទស្សន៍ CTN និងមានមនុស្សជាច្រើនបានស្គាល់ នាពេលនេះ បានធ្លាក់ខ្លួនឈឺហើយ។

បើយោងតាមគណនេយ្យហ្វេសប៊ុក អតីតតារាចម្រៀងលោក ហេង​ ប៊ុនលាភ (Heng Bunleap) បានសរសេរសារបង្ហោះតាមរយៈបណ្ដាញសង្គមហ្វេសប៊ុកលោកផ្ទាល់ថា៖ «ថ្ងៃនេះមកទូរទស្សន៍CTN បានជួបបងអុិត សេដ្ឋា គាត់បានធ្លាក់ខ្លួនឈឺ ស្គមស្គាំង និងប៉ោងពោះ…ឥឡូវប្រឈមនិងអាយុជីវិត..»

ចំពោះស្ថានភាពជម្ងឺឈឺអ្វីនោះលោកមិនបានបញ្ជាក់ច្បាស់ទេ ! សូមជួយស៊ែរដំណឹងនេះផង​



យ៉ាងណាមិញ លោកហេង​ ប៊ុនលាភ ក៏ពុំបានបញ្ជាក់ពីជំងឺពិតប្រាកដរបស់លោក អុិត សេដ្ឋា នោះទេ តែទោះជាយ៉ាងណា ក្រោយពីការបង្ហោះនេះ មានបងប្អូននៅក្នុងហ្វេសប៊ុកជាច្រើននាំគ្នាសម្ដែងភាពអាណិតអាសូរ និងសួរដេញដោលពីអាការជំងឺលោកអុិត សេដ្ឋា។

ខ្មែរឡូត នឹងធ្វើការចុះផ្សាយជាបន្ដបន្ទាប់ ប្រសិនជាទទួលបានព័ត៌មានបន្ថែមទាក់ទងនឹងអាការជំងឺលោកអុិត សេដ្ឋា៕