ផ្ទុះការរិះគន់ និងចម្ងល់ រឿងម៉ូឌែលកម្ពុជាម្នាក់ ស្លៀកឈុតអប្សរាទៅប្រកួតកម្មវិធីលំដាប់អន្តរជាតិ
បន្ទាប់ពីវីដេអូក្នុងបទសម្ភាសន៍មួយរវាងម៉ូឌែលកម្ពុជាមួយរូបជាមួយនឹង អ្នកសារព័ត៌មានបរទេសត្រូវបានបង្ហោះនៅលើបណ្ដាញសង្គមហ្វេសប៊ុក ត្រូវបានចែកចែកបន្តរាប់ពាន់នាក់ ព្រមជាមួយគ្នានោះមានផ្ទុះការរិះគន់ និងចម្ងល់ ទៅលើការប្រើប្រាស់ភាសាអង់គ្លេសរបស់ម៉ូឌែលបុរសរូបនោះ និងការស្លៀកពាក់ឈុតអប្សរាជាខ្លាំង។
តាមរយៈការបញ្ចេញមតិរបស់អ្នកលេងបណ្ដាញសង្គម បានបង្ហាញការខកចិត្តជាខ្លាំង ដែលបុរសរូបនោះមិនអាចប្រើប្រាស់ភាសាអង់គ្លេសបាន ទៅកាន់អ្នកសម្ភាសន៍ ពោលគឺ និយាយខុសតែម្ដង។ លើសពីនេះទៀតក៏មានការផ្ទុះចម្ងល់ថា ហេតុអ្វីបានជាបុរសខាងលើបែរជាយកឈុតអប្សរាដ៏ល្បីរបស់កម្ពុជាមកតុបតែងខ្លួនបែបនេះទៅវិញ? ខណៈលោកជាបុរស ឯឈុតអប្សរាសម្រាប់តួរបាំស្រីរបស់កម្ពុជាតែប៉ុណ្ណោះ។
ក្រៅពីមានការបញ្ចេញមតិរិះគន់ខ្លាំងៗហើយនោះ ក៏មានបងប្អូនប្រជាពលរដ្ឋជាច្រើនបានសំណូមពរដល់ក្រសួងវប្បធម៌ និងវិចិត្រសិល្បៈជួយពិនិត្យទៅលើបញ្ហានោះឱ្យបានច្បាស់លាស់ ដោយក្នុងនោះបងប្អូនប្រជាពលរដ្ឋលើកឡើងថា នេះជាមុខមាត់របស់កម្ពុជា ទាំងមូល ប្រសិនបើអ្នកតំណាងទៅប្រកួតនោះ ជាអ្នកមានសមត្ថភាពពិតប្រាកដ គឺអាចជួយលើកស្ទួយមុខមាត់កម្ពុជាដូចគ្នា។
គួរឱ្យដឹងផងដែរថា កម្មវិធីប្រកួតប្រជែង Mister Universe 2017 នឹងធ្វើការប្រកួតជាផ្លូវការនៅថ្ងៃទី ១៣ ខែមិថុនា នេះនៅឯទីក្រុងបាំងកក ប្រទេសថៃដែលនៅក្នុងកម្ពុជា តំណាងឱ្យបុរសខាងលើ ឈ្មោះថា កៅ កែវណារិន ចូលរួមប្រកួតប្រជែងយកពានរង្វាន់៕
សូមទស្សនាទាំងអស់គ្នា៖
ប្រភព៖ Sabay
ផ្ទុះការរិះគន់ និងចម្ងល់ រឿងម៉ូឌែលកម្ពុជាម្នាក់ ស្លៀកឈុតអប្សរាទៅប្រកួតកម្មវិធីលំដាប់អន្តរជាតិ
Reviewed by Mong Kul
on
10:40 PM
Rating:
Reviewed by Mong Kul
on
10:40 PM
Rating:
No comments: