ជីវិតដ៏ហឺហាររបស់ស្រីស្អាតវ័យក្មេង ដែលសង្ស័យសម្លាប់ស្រីបារ និងកំពុងតែគេចខ្លួន

ថៃ៖ នារីវ័យក្មេងដ៏ស្រស់ស្អាត នាង Preeyanuch “Preaw” Nonechai អាយុ២៤ឆ្នាំ ដែលកំពុងតែរត់គេចខ្លួន ដោយជាប់សង្ស័យសម្លាប់ស្រីបារម្នាក់ឈ្មោះ Warisara Klinjui អាយុ២២ឆ្នាំ ត្រូវបានគេស្រាវជ្រាវ និងដឹងថា នាងរស់នៅក្នុងជីវភាពដ៏ឡូយឆាយ នៅក្នុងបណ្ដាញសង្គម។ នេះបើតាមទំព័រហ្វេសប៊ុករបស់នាង បានបង្ហាញនូវរូបភាពដំណើរកម្សាន្ដជាច្រើន ដូចជាទៅប្រទេសសឹង្ហបុរី និងចិន ដោយទិញរបស់ម៉ាកថ្លៃៗជាច្រើន ដូចជា YSL Fendi និង Gucci រួមនឹងរូបភាពប្រាក់ជាច្រើន។

បើតាមរបាយការណ៍បានឲ្យដឹងថា លុយដ៏ច្រើនសន្ធឹកសន្ធាប់ ដែលនាងមានចាយនេះ អាចបានមកពីគ្រឿងញៀន ហើយថ្ងៃដែលនាងរត់គេចខ្លួនចូលទៅប្រទេសមីយ៉ាន់ម៉ា គឺជាថ្ងៃដែលក្រុមប៉ូលិសរកឃើញសាកសពនារីរងគ្រោះ Warisara។ តាមសម្ដីប៉ូលិស ពួកគេជឿជាក់ថា Preaw អាចលាក់ខ្លួននៅក្នុងតំបន់ដាច់ស្រយាល ដែលគ្រប់គ្រងដោយកងកម្លាំងទ័ពព្រៃមានឈ្មោះថា Lahu និងជាកន្លែងដែលប៉ូលិសកម្រនឹងចូលទៅដល់។ ទន្ទឹមនឹងនេះបានឲ្យដឹងដែរថា ក្រុមទាំងនេះក៏នឹងអាចជាប់ពាក់ព័ន្ធនឹងការជួញដូរគ្រឿងញៀន ដែលនាង Preaw គឺជាកូនចែកចាយថ្នាំញៀន ប៉ុន្ដែនាងប្រហែលជាជាប់ពាក់ព័ន្ធនឹងការជួញដូរ ជាលក្ខណៈអន្ដរជាតិផងដែរ។

គួរឲ្យដឹងថា នាង Preaw ត្រូវបានគេសង្ស័យថាសម្លាប់នាង Warisara ដោយសារតែនាង Warisara បានចែករំលែកព័ត៌មានថ្នាំញៀននេះទៅកាន់ប៉ូលិស ក្រោយពីប៉ូលិសចាប់បានមនុស្សដែលជាប់ពាក់ព័ន្ធថ្នាំញៀននេះជាច្រើននាក់ ដាក់គុក។

នាង Preeyanuch “Preaw” Nonechai កំពុងតែរត់គេចខ្លួន ដោយជាប់សង្ស័យសម្លាប់ស្រីបារ

គួរបញ្ជាក់ថា សាកសព Warisara ត្រូវបានរកឃើញដោយអ្នកភូមិ កាលពីថ្ងៃព្រហស្បត្ដិ៍សប្ដាហ៍មុន ដែលសាកសពនាងត្រូវបានកាត់ជាកង់ៗ និងច្រកចូលស្បោងសម្រាម មុននឹងកប់ទៅក្នុងដី ក្នុងតំបន់ Khao Suan Kwang។ ហើយនៅពេលដែលកើតហេតុ ប៉ូលិសជឿជាក់ថា មាន Kawita Rachada អាយុ២៦ឆ្នាំ Apiwan Satayabundit អាយុ២៨ឆ្នាំ Wasin Namprom អាយុ២២ឆ្នាំ និង Jidarat Promkun អាយុ២១ឆ្នាំ ដែលជាអ្នកចូលរួមសកម្មភាពនេះ ខណៈដែលពេលនេះ Wasin និង Jidarat ត្រូវបានប៉ូលិសចាប់ និងឃុំខ្លួនហើយ។ រីឯនារីពីរនាក់ទៀត ប្រហែលជានៅមីយ៉ាន់ម៉ាជាមួយនឹងនាង Preaw។


តាមសេចក្ដីរាយការណ៍ចុងក្រោយ បានឲ្យដឹងថា បងប្រុស និងប្ដីនាង Preaw សុទ្ធសឹងតែជាប់ពាក់ព័ន្ធនឹងរឿងជួញដូរថ្នាំញៀន និងក្រុមបងធំ ខណៈដែលឈ្មោះនាង Preaw ក៏មាននៅក្នុងបញ្ជីឈ្មោះរបស់ប៉ូលិស ដែលជាជនសង្ស័យរឿងជួញដូរថ្នាំញៀន។

សម្រាប់ពេលនេះ ក្រុមអជ្ញាធរមីយ៉ាន់ម៉ា កំពុងតែដុតដៃដុតជើងដើររុករកនាង Preaw និងនារី២នាក់នេះ៕រូបភាព ឡូយឆាយរបស់នាង Preeyanuch “Preaw”រូបភាព ឡូយឆាយរបស់នាង Preeyanuch “Preaw”រូបភាព ឡូយឆាយរបស់នាង Preeyanuch “Preaw”រូបភាព ឡូយឆាយរបស់នាង Preeyanuch “Preaw”

រូបភាព ឡូយឆាយរបស់នាង Preeyanuch “Preaw”