បំផ្ទុះគ្រាប់បែកលើរថយន្តទាំងព្រឹក នៅកណ្តាលទីក្រុងបាកដាដ «ស្លាប់មនុស្ស១០នាក់ និងរងរបួស ៤០នាក់», ISIS ប្រកាសភ្លាមៗថា អ្នកបំផ្ទុះ ! (មានវីដេអូ)

(ម៉ូស្គូ)៖ យ៉ាងហោចណាស់មនុស្ស ១០នាក់ស្លាប់ និង៤០នាក់ទៀតរងរបួសធ្ងន់-ស្រាល បន្ទាប់ពីគ្រាប់បែក​មួយគ្រាប់ត្រូវបានចុចបំផ្ទុះជាមួយរថយន្ត ស្ថិតនៅចំកណ្តាលរដ្ឋធានីបាកដាដ របស់ប្រទេសអ៊ីរ៉ាក់នៅ​ព្រឹកព្រហាម​ថ្ងៃអង្គារនេះតែម្តង។ នេះបើតាមការចេញផ្សាយនៅមុននេះបន្តិច ដោយទីភ្នាក់ងារព័ត៌មាន Sputnik របស់រុស្ស៊ី​នៅព្រឹកថ្ងៃអង្គារ ទី៣០ ខែឧសភា ឆ្នាំ២០១៧។



តាមការផ្សាយរបស់ CNN ការផ្ទុះនោះបានកើតឡើង នៅពីមុនហាងលក់ការ៉េម នៅកណ្តាលទីក្រុងបាកដាដ នៅក្បែរទីលានមួយដែលមានឈ្មោះថា Hurriya។ ក្រុម ISIS ឬ Daesh បានចេញមុខអះអាងថា ជាអ្នកដែលស្ថិតនៅពីក្រោយការវាយប្រហារនេះ ខណៈដែលតំបន់រងគ្រោះ គឺត្រូវបានគេស្គាល់ថាជាទីតាំង​ដែលក្រុមអ្នកកាន់សាសនាអ៊ីស្លាមនីកាយ Shiite ចូលចិត្តប្រមូលផ្តុំ៕