របៀបធ្វើ ងាវឆាហឹល

គ្រឿងផ្សំ

• ងាវ ១/២ គីឡូក្រាម
• ខ្ទឹមស ៨ កំពឹស
• ស្ករ ១ ស្លាបកាហ្វេ
• ម្ទេស តាមចំនូលចិត្ត
• ប្រេងឆា ១ ស្លាបព្រាបាយ
• ប្រេងខ្យង ១ ស្លាបព្រាបាយ
• ទឹកត្រី ១ ស្លាបព្រាកាហ្វេ
• អំបិល ១ ស្លាបព្រាកាហ្វេ
• ស្លឹកម្រេះព្រៅ ១ កូនចានចង្កឹះ

របៀបធ្វើ

1. យកងាវលាងទឹកអោយស្អាត រួចដាក់ក្នុងចានដែក។
2. ដាំទឹកអោយពុះ ដាក់អំបិល រួចចាក់ទឹកកំពុងពុះ ចូលក្នុងចានដែកដាក់ងាវ ចំនួន ១ នាទីកន្លះ។
3. ស្រង់ងាវចេញពីទឹក រួចបកសំបកចេញ ១ ចំហាង ទុក ១ ចំហាង។
4. បុកខ្ទឹម និងម្ទេសជាមួយគ្នាអោយម៉ត់។
5. ដាំប្រេងឆាអោយក្តៅ ដាក់ខ្ទឹម និងម្ទេសបុកឆាអោយឈ្ងុយ រួចដាក់ងាវចូល នឹងផ្សំរសជាតិដោយ ស្ករ ទឹកត្រី ប្រេងខ្យង និងស្លឹកម្រេះព្រៅចូលឆាបីបួនត្រឡប់ជាការស្រេច៕