របៀបធ្វើ ស៊ុបពោត

គ្រឿងផ្សំ

• ពោតខ្ចី ៦ផ្លែ (ចិតយកតែសាច់)
• សាច់មាន់ ១គីឡូ 
• ផ្សិតក្រៀម កន្លះខាំ 
• ពងមាន់ ៤គ្រាប់ (គោះហើយវាយអោយសព្វ)
• ខ្ទឹមបារាំង ១ដុំ
•  ខ្ញី ១ខាំ (ចិតជាចំណិតស្តើងៗ)
• ជីវ៉ាន់ស៊ុយ ស្លឹកខ្ទឹម (ហាន់ល្អិតៗ)
• ខ្ទឹមសចិញ្រ្ចាំ ១ស្លាបព្រាបាយ
• ទឹក ១លីត្រកន្លះ
• ម្សៅស៊ុប ១ស្លាបព្រាបាយ 
• ស្ករ ១ស្លាបព្រាបាយ
• ម្រេច ១ស្លាបព្រាកាហ្វេ
• ម្សៅឆា ៤ស្លាបព្រាបាយ 
• អំបិលបន្តិច 

របៀបធ្វើ

• ដាំទឹកអោយពុះ ដាក់អំបិលបន្តិច និងមាន់ស្ងោរអោយផុយសាច់ រួចយកមកបេះជាសរសៃល្អិតៗ។
•  ផ្សិតក្រៀម ដាក់ត្រាំទឹកក្ដៅហើយលាងទឹកអោយស្អាតយកមកហាន់ជាសរសៃតូចៗ។
• លាយម្សៅឆាជាមួយទឹកកន្លះចានចង្កឹះ កូអោយរលាយ។
• ដាំទឹកស្ងោរមាន់អោយពុះ ដាក់ខ្ញី ខ្ទឹមបារាំង (ដាក់ទាំងមូល) ផ្សិត និងសាច់មាន់ចូលរំងាស់ ១០នាទី សឹមដាក់ពោត រំងាស់១៥នាទីទៀត ផ្សំរស់ជាតិដោយ ម្សៅស៊ុប ស្ករ ម្រេច កូរអោយសព្វ សឹមដាក់ពង់មាន់ចូល (កូរបណ្តើ ដាក់បណ្តើ) ទុកអោយពុះសឹមដាក់ម្សៅឆាចូល កូរអោយសព្វភ្លក្សរសជាតិតាមចំនូលចិត្ត។
• ពេលញាំ បន្ថែមជីវ៉ាន់ស៊ុយ ស្លឹកខ្ទឹម ម្រេចបន្តិច ជាការស្រេច៕