របៀបធ្វើ ឆាខ្យងហូល

‪គ្រឿងផ្សំ‬

• ខ្យងហូល ៦ខាំ
• ម្ទេសឆា ៣ស្លាបព្រាបាយ
• ប្រេងខ្យង ៣ស្លាបព្រាបាយ
• ស្ករត្នោត កន្លះស្លាបព្រាបាយ
• ខ្ទឹមសចិញ្រ្ចាំ ២ស្លាបព្រាបាយ
• ម្ទេស តាមចំនូលចិត្ត ហាន់ល្អិតៗ
• ប្រេងឆា ៣ស្លាបព្រាបាយ
• ជីរនាងវង ១ចានចង្កឹះ
• ទឹក កន្លះចានចង្កឹះ
• អំបិល ១ស្លាបព្រាកាហ្វេ
• ទឹកស៊ីអ៊ីវ ១ស្លាបព្រាបាយ

‪‎របៀបធ្វើ‬

1. យកអំបិលលាយជាមួយទឹកមួយចានដែក ដាក់ខ្យងត្រាំប្រហែលជា ១ម៉ោង សឹមលាងទឹកចេញអោយស្អាត។
2. ដាំខ្ទះអោយក្តៅ ដាក់ប្រេងឆា ខ្ទឹមចិញ្រ្ចាំ និងម្ទេស ឆាអោយប្រែរពណ៌ក្រហមល្អ សឹមដាក់ម្ទេសឆា កូរអោយសព្វ។
3. ដាក់ខ្យងចូល ឆាបីបួនត្រឡប់ សឹមដាក់ ស្ករ ប្រេងខ្យង និងទឹកត្រី ឆាអោយឆ្អឹន (បើស្ងួត ថែមទឹក) ភ្លក្សរសជាតិតាមចំនូលចិត្ត រួចដាក់ស្លឹកជីរនាងវងចូល កូរអោយសព្វជាការស្រេច៕

អ្នកស្រី សុគន្ធារី