របៀបធ្វើ ឡាបសាច់ជ្រូក

គ្រឿងផ្សំ

• សាច់ជ្រូក ៤០០ក្រាមចិញ្ច្រាំ
• ពោះជ្រូក ៣០០ក្រាម ស្ងោរឲ្យឆ្អិនហាន់តូចៗល្មម
• ក្រូចឆ្មា ៣ផ្លែ
• ទឹកត្រី ៣ស្លាបព្រាបាយ
• ស្ករស កន្លះស្លាបព្រាបាយ
• ប៊ីចេង ១ស្លាបព្រាកាហ្វេកន្លះ
• ខ្ទឹមស ៥កំពឹសហាន់តូចៗ
• ខ្ទឹមក្រហម ៥ដុំហាន់ស្តើងៗ
• គល់ស្លឹកគ្រៃហាន់ ១ចានចង្កឹះ
• រំដេង ១ដុំចិត្តតូចៗ
• ស្លឹកក្រូច ១០សន្លឹកហាន់
• ជីរណា ៥-៧សន្លឹកហាន់តូចៗល្មម
• អង្ករលីង ៣-៤ស្លាបព្រាបាយ(ម៉ដ្ឋ)
• ជីនាងវង ជីសាំងឃុំ…
• ប្រហុកចំហុយ ដាក់សម្រាប់អ្នកចូលចិត្ត

វិធីធ្វើ

1. ដំបូងយកគល់ស្លឹកគ្រៃ និងរំដេងដាក់ចូលទៅក្នុងឆ្នាំងខ្ទះរួចហើយលីងវាឲ្យឈ្ងុយដួសទុកសិន បន្ទាប់មកដាក់ស្លឹកក្រូចសើចចូលវិញម្តងលីងឲ្យឈ្ងុយដូចគ្នាដែរ។
2. យកគល់ស្លឹកគ្រៃ រំដេង និងស្លឹកក្រូចសើចដែលបានលីងឈ្ងុយហើយមកដាក់ចូលក្នុងត្បាល់ បន្ទាប់់មកបុកវាឲ្យម៉ដ្ឋ។
3. យកសាច់ជ្រូកចិញ្ច្រាំដាក់ចូលក្នុងឆ្នាំងរួចហើយរំលីងវារហូតទាល់តែសាច់ឆ្អិន (រំលីងតែសាច់មួយមុខ)។
4. ត្រូវមានចានធំមួយដាក់សាច់ជ្រូករំលីងឆ្អិន, ពោះជ្រូកហាន់, គល់ស្លឹកគ្រៃ រំដេង ស្លឹកក្រូចសើច (បុករួច), ខ្ទឹមស, ខ្ទឹមក្រហម, ទឹកត្រី, ស្ករស, ប៊ីចេង, ប្រហុក(សម្រាប់អ្នកចូលចិត្ត) និងច្របាច់ក្រូចឆ្មាដាក់ រូចហើយច្របល់បញ្ចូលគ្នា។
5. បន្ទាប់មកទៀតត្រូវដាក់អង្ករលីង ច្របល់បញ្ចូលគ្នាឲ្យសព្វរួចហើយចាំដាក់ជីរណាច្របល់បញ្ចូលដែរ ជាចុងក្រោយដាក់ជីនាងវង និងជីសាំងឃុំពីលើទុកញ៉ាំផ្ទាប់ជាការស្រេច៕