កំពុងល្បីខ្លាំង!! មេឃុំ កំឡោះក្រមុំវ័យក្មេង ទាំងពីរនាក់!!
ការបោះឆ្នោតជ្រើសរើសក្រុមប្រឹក្សាឃុំសង្កាត់ ក្រោមការរៀបចំពីគណៈកម្មការជាតិរៀបចំការបោះឆ្នោត និងការពិនិត្យតាមដានពីអង្គការជាតិនិងអន្តរជាតិ ក្នុងឆ្នាំ ២០១៧នេះត្រូវបានបញ្ចប់ទៅដោយរលូន។ អ្វីដែលគួរឱ្យចាប់អារម្មណ៍នោះ ការបោះឆ្នោតក្នុងឆ្នាំនេះឃើញមានវត្តមានយុវជនពីររូបវ័យក្មេងបំផុត បានជាប់ជាចៅសង្កាត់មកពី២ខេត្តផ្សេងគ្នា និងកំពុងទទួលបានការចាប់អារម្មណ៍ខ្លាំងនៅលើបណ្ដាញសង្គម។
១. យុវជន ជិន សុខង៉េង
យុវជនអាយុ ២៦ឆ្នាំ ជិន សុខង៉េង នឹងក្លាយជាចៅសង្កាត់វ័យក្មេងបំផុតនាពេលខាងមុខនេះ។ លោក ជិន សុខង៉េង មានស្រុកកំណើតនៅខេត្តកំពង់ចាម បានបញ្ចប់ថ្នាក់បរិញ្ញាបត្រវេជ្ជសាស្ត្រផ្នែករោគកុមារ កាលពីចុងឆ្នាំ២០១៣ ហើយលោកបានបើកបន្ទប់ពិគ្រោះជំងឺមួយនៅរាជធានីភ្នំពេញអស់រយៈពេលមួយឆ្នាំ។
នៅចុងឆ្នាំ២០១៤ លោកបានសម្រេចចិត្តឈប់ពីជំនាញពិគ្រោះព្យាបាលនេះ រួចបញ្ចេញកម្លាំងកាយចិត្តចូលរួមប្រឡូកក្នុងនយោបាយ។ លោកនឹងក្លាយជាមេឃុំវ័យក្មេងបំផុត បន្ទាប់ពីលទ្ធផលបឋមបានបង្ហាញថាគណបក្សដែលលោកកំពុងឈរឈ្មោះមានសំឡេងឆ្នោតនាំមុខនៅសង្កាត់សាលាកម្រើក ក្រុងសៀមរាប។
២. កញ្ញា ស៊ិន រ៉ូហ្សិត
កញ្ញា ស៊ិន រ៉ូហ្សិត ជាប់ឆ្នោតជាចៅសង្កាត់ អូរចារ ក្នុងខេត្តបាត់ដំបង ក្នុងឆ្នាំ ២០១៧នេះ។ កញ្ញាដ៏ស្រស់សោភាម្នាក់នេះនឹងក្លាយជាមេឃុំវ័យក្មេង ហើយទន្ទឹមនឹងនោះក៏មានប្រជាពលរដ្ឋជាច្រើនតែងកោតសរសើរពីការខិតខំប្រឹងប្រែងរបស់នាង ទោះបីជានារីក្ដីក៏នាងមិនដែលបោះបង់ការតស៊ូដែរ រហូតអាចទទួលបានជោគជ័យ៕
កំពុងល្បីខ្លាំង!! មេឃុំ កំឡោះក្រមុំវ័យក្មេង ទាំងពីរនាក់!!
Reviewed by Mong Kul
on
9:51 PM
Rating:
Reviewed by Mong Kul
on
9:51 PM
Rating:
