របៀបធ្វើ ភ្លាកំពិសស្រស់

គ្រឿងផ្សំ

• កំពិសរស់ 200g
• គល់ស្លឹកគ្រៃហាន់ស្តើង 1ស្លាបព្រាបាយ
• រំដេងស្រស់បុកឲ្យម៉ត 1ស្លាបព្រាកាហ្វេ
• ស្លឹកក្រូចសើចហាន់ជាសសៃៗ 1ស្លាបព្រាកាហ្វេ
• អង្ករលីង(លីងដោយខ្លួនឯងឲ្យឡើងក្រហម កន្លាតឈ្ងុយល្អ) បុកឲ្យម៉ត់ 1ស្លាបព្រាបាយ
• ទឹកប្រហុកចំហុយ (បើមិនចេះញ៉ាំប្រហុកកុំដាក់) 1ស្លាបព្រាបាយ
• ខ្ទឹមសចិញ្ច្រាំ 1ស្លាបព្រាកាហ្វេ
• ខ្ទឹមក្រហមចិតស្តើងៗ 1ស្លាបព្រាបាយ
• ម្ទេសហ៊ឹរ ហាន់តូចៗ ឬុបុកឲ្យម៉ត់
• ជីរណាកាត់ប្រវែងមួយថ្នាំងដៃ 3សន្លឹក
• ជីអង្កាម 4ទៅ5ត្រួយ
• សណ្តែកកួរខ្ចីៗកាត់ខ្លីៗ 1ផ្លែ
• ត្រប់ស្រួយហាន់ស្តើង(មើលរូប) 1ផ្លែ
• ត្រកួនឈ្លក់ទឹក 1ដើម
• ស្លឹកភ្លូ 1សន្លឹក (បើមិនចេះញ៉ាំ មិនបាច់ដាក់ក៏បាន)
• ទឹកត្រីឆ្ងាញ់(មិនប្រៃពេកមិនសាបពេក) 2ស្លាបព្រាបាយ
• ម្សៅស៊ុបរ៉តឌី ឬខ្នរ 1ចឹប
• ប៊ីចេង 1ចឹប(ដាក់ក៏បានមិនដាក់ក៏បាន)
• ស្ករស 1ទៅ2ស្លាបព្រាបាយ
• ទឹកក្រូចឆ្មារ 3ទៅ5ស្លាបព្រាបាយ (អាស្រ័យលើចំណូលចិត្តរបស់លោកអ្នក ថាតើលោកអ្នកចូលចិត្តជូរល្មម ឬជូរខ្លាំង)

វិធីធ្វើ

1. យកបន្លែ និងជីទាំងអស់មកលាងទឹក កាត់ ចិត ហាន់ រក្សាទុកមួយឡែកសិន។
2. យកកំពិសរស់មកលាងទឹក រើសសម្រាមចេញឲ្យស្អាត។
3. យកចានកាធុនមួយមក រួចចាក់កំពិសចូល រួចចាក់បន្លែ និងគ្រឿងទាំងអស់ចូល។
4. ច្របល់ចូលគ្នាឲ្យសព្វជាតិ ភ្លក្សមើលរួចថែមថយរសជាតិតាមចំណូលចិត្ត។