ផឹកទឹកភ្លាម ក្រោយពីភ្ញាក់ពីដំណេក ជួយកាត់បន្ថយឡើងជាតិអាស៊ីតក្នុងក្រពះ និងជំងឺផ្សេងៗទៀត
តាមការណែនាំរបស់អ្នកវិទ្យាសាស្ត្រ បានបង្ហើបបង្ហាញថា ការផឹកទឹកភ្លាមនៅពេលព្រឹកបន្ទាប់ពីភ្ញាក់ពីគេង និង មិនទាន់បរិភោគអី ជួយសម្អាតក្រពះ និង ជួយសម្អាតដល់បាក់តេរីបានយ៉ាងល្អ។
ជាពិសេសជួយបន្ធូរបន្ថយអាការឈឺសន្លាក់ ឈឺក្បាល បន្ថយសង្វាក់បេះដូង រាគរូស ក្អួតចង្អោរ បញ្ហាតម្រងនោម ហឺត ទឹកនោមផ្អែម ភ្នែក ធាត់លើសទម្ងន់ ។ល។ ការផឹកទឹកបែបនេះជួយលាងសម្អាតពោះវៀន និង បង្កើនចលនាក្រពះជំរុញដល់សម្រូបវីតាមីនអាហារដែលអ្នកទទួលទានចូលទៅ ។
លើសពីនេះ អ្នកគួរយល់ដឹងបន្ថែមទៀតថា ការរំលាយអាហារល្អជាបច្ច័យដ៏ធំដល់សុខភាពរាងកាយទាំងមូល រក្សាសំណើមរាងកាយ ជួយឱ្យស្បែករលោង បណ្តេញជាតិពុលពីរាងកាយ ។ ការផលិតកោសិកាឈាមក្រហម និង កោសិកាសាច់ដុំ ត្រូវបានបង្កើនថាមពល ហើយក៏ជួយដល់ការសម្រករាងផងដែរ ។
ខាងក្រោមនេះ គឺជា ការណែនាំជាដំណាក់កាល អំពីការញ៉ាំទឹកនៅពេលព្រឹក ៖
ញ៉ាំទឹក ១៦០ មិល្លីលីត្រ ៤ ដង បន្ទាប់ពីភ្ញាក់ពីដំណេក ( ៤ កែវ )
ដុសធ្មេញ ប៉ុន្តែកុំទាន់ញ៉ាំអាហារពេលព្រឹក ត្រូវរង់ចាំ ៤៥ នាទីសិន កុំញ៉ាំអាហារ ឬ ផឹកទឹកបន្ទាប់ពីញ៉ាំអាហារពេលព្រឹកហើយ ត្រូវរង់ចាំដល់ ២ ម៉ោងបន្ទាប់ ប្រសិនបើអ្នកមិនអាចញ៉ាំទឹកបានរហូតដល់ទៅ ៤ កែវ នៅពេលភ្ញាក់ពីគេងភ្លាមៗ អ្នកគួរចាប់ផ្តើមពីមួយកែវ ទៅពីរ រហូតដល់បួនកែវ ពោលគឺបង្កើនបរិមាណបន្តិចម្តងៗសន្សឹមៗ ។ ការញ៉ាំទឹកបែបនេះអាចព្យាបាលជំងឺបានច្រើនមុខ និង ធ្វើឱ្យសុខភាពរាងកាយទាំងមូលបានប្រសើរឡើង ។
ជំងឺដែលអាចនឹងជាសះស្បើយ ប្រសិនបើអ្នកព្យាយាមអនុវត្តបានក្នុងអំឡុងពេលដូចខាងក្រោម ៖
- ទល់លាមក : ប្រើពេល ១០ ថ្ងៃ
- ឡើងអាស៊ីតក្រពះ : ប្រើពេល ១០ ថ្ងៃ
- ឡើងសម្ពាធឈាម : ប្រើពេល ១ ខែ
- ទឹកនោមផ្អែម : ប្រើពេល ១ ខែ
- របេង : ប្រើពេល ៣ ខែ
- សន្លាក់ : អនុវត្តជាប់គ្នា ៣ ថ្ងៃក្នុងសប្តាហ៍ដំបូង បន្ទាប់មកអនុវត្តជារៀងរាល់ថ្ងៃនៅសប្តាហ៍បន្ទាប់ ។
វិធីព្យាបាលដោយញ៉ាំទឹកនេះ គ្មានផលប៉ះពាល់អវិជ្ជមានណាមួយដល់សុខភាពទេ ប៉ុន្តែអ្នកត្រូវរងការរំខានដោយចូលបន្ទប់ទឹកបត់ជើងញឹកញាប់ជាងប្រក្រតី ៕
ប្រភព៖ ប្រជាប្រិយ
ផឹកទឹកភ្លាម ក្រោយពីភ្ញាក់ពីដំណេក ជួយកាត់បន្ថយឡើងជាតិអាស៊ីតក្នុងក្រពះ និងជំងឺផ្សេងៗទៀត
Reviewed by Mong Kul
on
10:05 PM
Rating:
Reviewed by Mong Kul
on
10:05 PM
Rating:
