ប្រភព ចង្វាក់ ម៉ាឌីហ្សុន ដែលប្រជាជនខ្មែរយើង ចូលចិត្តរាំកម្សាន្ត !!
ប្រជាជនខ្មែរនៅទូទាំងប្រទេស ពេលមានពិធីបុណ្យប្រពៃណី ពិធីខួបកំណើត និងពិធីជប់លៀងផ្សេងៗ ដែលមានការប្រជុំតន្ត្រី និងរាំកម្សាន្តចង្វាក់រាំវង់ រាំក្បាច់ សារិវ៉ាន់ ដោយរយៈពេលចុងក្រោយប្រមាណជា ៤០ឆ្នាំមកហើយខ្មែរយើងក៏បានចាប់ផ្តើមរាំចង្វាក់ម៉ាឌីហ្សុន។
ពេលលឺសូរតន្ត្រីប្រគុំចង្វាក់ម៉ាឌីហ្សុននេះឡើង កុមារា កុមារី យុវជន យុវនារី និងមនុស្សវ័យកណ្តាល ដែលចេះរាំចង្វាក់នេះ មិននៅយូរទេ ឡើងទៅរាំកម្សាន្តភ្លាមៗ តាមចង្វាក់ភ្លេង។ រីឯអ្នកអង្គុយមើលក៏មានការចាប់អារម្មណ៍ផងដែរ ដោយឃើញអ្នករាំមានសកម្មភាពទោទន់តាមចង្វាក់ភ្លេង និងមានភាពដូចគ្នាៗ។ ប៉ុន្តែបើយើងសួរអ្នករាំ និងអ្នកអង្គុយមើលចង្វាក់នេះ ពីប្រភពនៃចង្វាក់ម៉ាឌីហ្សុនថាមានប្រភពមកណា? ប្រាកដជាមានអ្នកខ្លះមិនដឹង ទោះបីជាការរាំចង្វាក់់នេះកំពុងពេញនិយមយ៉ាងណាក៏ដោយ។
យោង តាមឯកសារស្រាវជ្រាវ ដោយគេហទំព័រនៅក្នុងស្រុកមួយបានបង្ហាញថា ចង្វាក់ម៉ាឌីហ្សុន មានប្រភពមកពីសហរដ្ឋអាមេរិក ដែលចង្វាក់រាំនេះត្រូវបានគេបង្កើតឡើងនៅអំឡុងទសវត្សរ៍ឆ្នាំ ១៩៦០។ ក្រោយមកប្រជាប្រិយភាពរបស់ម៉ាឌីហ្សុន ក៏បានសាយភាយដល់បណ្ដាប្រទេសនានា ជាពិសេស គឺប្រទេសបារាំងតែម្ដង។ ទន្ទឹមនឹងនោះ ប្រជាជនកម្ពុជា ក៏ចាប់ផ្ដើមយកចង្វាក់នេះមករាំអស់រយៈពេលជាង៤០ ឆ្នាំមកហើយ នៅក្នុងពិធីបុណ្យទាន ចូលឆ្នាំប្រពៃណី ពិធីជប់លៀង ពិធីបុណ្យខួបកំណើត និងពិធីរៀបមង្គលការជាដើម៕
ប្រភព ចង្វាក់ ម៉ាឌីហ្សុន ដែលប្រជាជនខ្មែរយើង ចូលចិត្តរាំកម្សាន្ត !!
Reviewed by Mong Kul
on
10:08 PM
Rating:
Reviewed by Mong Kul
on
10:08 PM
Rating:
