ទីបំផុត បុរសថៃម្នាក់ ទទួលការវះកាត់សាច់ដុះធំ ជាងក្បាលរបស់គេពីរដង ក្រោយពីវេទនា អស់៣៥ឆ្នាំ

ទីបំផុត បុរសម្នាក់ ដែលមានសាច់ដុះដ៏ចម្លែងមានទំហំធំជាងក្បាលរបស់គេពីរដងនោះ បានទទួលការវះកាត់ហើយ ដើម្បីកាត់សេចដុះនោះចេញ។

លោក Sutat Meesati បានចាប់ផ្តើមរងនូវការឈឺចុកចាប់ត្រង់ក្បាលរបស់គេក្នុងពេលស្ថិតក្នុងវ័យ២ឆ្នាំ ប៉ុន្តែ ឪពុកម្តាយរបស់គេមិនបានត្រួតពិនិត្យឡើយ ហើយសាច់ក៏ចាប់ផ្តើមដុះចេញពីក្បាលរបស់គេតាំងពេលនោះមក។ ក្រោយពីមិនបានទទួការព្យាបាលអស់រយៈពេលជាច្រើនឆ្នាំ លោក Sutat ដែលមកពីខេត្តសូរិន ប្រទេសថៃ មិនអាចរកប្រាក់ដើម្បីទទួលបានការព្យាបាលជាឯកជនឡើយ។
ប៉ុន្តែ នៅទីបំផុត បុរសវ័យ៣៧ឆ្នាំរូបនេះ បានទទួលការត្រួតពិនិត្យដ៏សមរម្យ និងទទួលការព្យាបាលពីក្រុមគ្រូពេទ្យ ក្រោយពីក្រុមស្ម័គ្រចិត្តសង្គ្រោះ បានលើឮពីព័ត៌មាននេះ។ សប្បុរសជនបានបរិច្ទាគប្រាក់ច្រើនជាង២៥០០ដុល្លារសម្រាប់ជួយដល់ការវះកាត់នេះ។ ក្

រោយពីទទួលការវះកាត់នៅមន្ទីរ ពេទ្យ Chulalongkorn លោក Sutat បានឲ្យដឹងថា៖ «ខ្ញុំពិតជាសប្បាយរីករាយណាស់ជាមួយនឹងលទ្ធផលនេះ។ ពេលនេះខ្ញុំអាចរស់នៅក្នុងជីវិតធម្មតា ហើយសូមអរគុណគ្រប់គ្នាដែលបានជួយដល់ខ្ញុំ»៕