របៀបធ្វើ កង្កែបខម្រេច

របៀបធ្វើកង្កែបខម្រេច អោយមានរសជាតិឆ្ងាញ់ពិសេសសម្រាប់ក្រុមគ្រួសារទទួលទាន។ ខាងក្រោមនេះជារបៀបធ្វើ ដែលមានភាពងាយស្រួលសម្រាប់បងៗជាស្ត្រីមេផ្ទះ ៖

គ្រឿងផ្សំ

• កង្កែប
• ពងក្រួច
• ទឹកប្រេងខ្យង
• ម្រេចម៉ដ្ឋ 
• ស្ករត្នោត 
• ម្សៅស៊ុប 
• អំបិល 
• ខ្ទឹមស ចិញ្ច្រាំអោយម៉ត់ 
• ជីវ៉ាន់ស៊ុយ

វិធីធ្វើ

1. យកពងក្រួចទៅស្ងោរឲ្យឆ្អិន រួចបកសម្បកចេញអោយស្អាត ទុកមួយអន្លើ។
2. កង្កែបត្រូវពន្លាត់ស្បែកឲ្យស្អាត រួចកាត់ជាកង់ៗល្មមទុកឲ្យស្រស់ទឹក ។
3. រួចយកកង្កែបទៅប្រឡាក់ជាមួយស្ករត្នោត ខ្ទឹមសចិញ្ច្រាំ ម្សៅស៊ុប ទឹកប្រេងខ្ចង អំបិល និងម្រេចមួយសន្ទុះឲ្យចូលជាតិល្អ។
4. ដាក់ឆ្នាំងទុកអោយក្ដៅបន្តិច រួចដាក់ស្ករត្នោតចូលកូរឲ្យឡើងជើងអង្ក្រង រួចសឹមចាក់កង្កែបប្រឡាក់ចូល រម្ងាស់មួយរំពុះ សឹមចាក់ពងក្រួចចូល និង ទឹកបន្តិច ហើយកូរឲ្យសព្វ ភ្លក្សមើលអោយល្មម តាមចំនូលចិត្ត និងទុករយៈពេលប្រមាណ ២០ នាទី។
5. នៅពេលទទួលទាន ត្រូវដួសដាក់ចាន ហើយបន្ថែមម្រេច និងរោយស្លឹកជីរវ៉ាន់ស៊ុយពីលើរួចជាការស្រេច ។

* បើអត់មានពងក្រួច មិនដាក់ក៏បាន។