របៀបធ្វើ ឆាខ្ញីសាច់ជ្រូក

និយាយពីរឿង ឆាខ្ញីសាច់ជ្រូក វិញពិតជាឆ្ងាញ់បើយើងធ្វើវាដោយខ្លួនឯង ព្រោះវាមើលទៅក្រៀបយើងហើយគួអោយចង់ហូប តែបើទិញគេវិញស្រស់ៗមិនគួអោយចង់ទេ។ ដូច្នេះសាកល្បងធ្វើដោយខ្លួនឯងមើល តើវាពិតជាឆ្ងាញ់មែនអត់!

គ្រឿងផ្សំ

• សាច់បីជាន់ ថ្លើម បេះដូង និងហ៊ុន ៩ ខាំ
• ខ្ញី ៥ ខាំ
• ស្ករ ២ ស្លាបព្រាបាយ
• ទឹកត្រី ១ ស្លាបព្រាបាយ
• ម្សៅស៊ុប ១ ស្លាបព្រាកាហ្វេ
• ប្រេងខ្យង ១ ស្លាបព្រាបាយ
• អំបិលបន្តិច
• ខ្ទឹមស ៥ កំពឹស ចិញ្រ្ចាំអោយម៉ត់
• ប្រេងឆា ៣ ស្លាបព្រាបាយ

របៀបធ្វើ 

1. សាច់លាងអោយស្អាត ហាន់ជាបន្ទះស្តើងៗ។
2. ខ្ញីចិតសម្បកអោយស្អាត រួចយកទៅលាងទឹក សឹមយកមកហាន់ជាសរសៃល្អឹតៗ។
3. ដាំប្រេងឆាអោយក្តៅ ដាក់ខ្ញីបំពងអោយក្រៀមបន្តិច (តាមចំនូលចិត្ត) រួចដួលទុកមួយអន្លើ។
4. ដាក់សាច់ចូលឆាបីបួនត្រឡប់ រួចដាក់ស្ករ ទឹកត្រី ប្រេងខ្យង ម្សៅស៊ុប និងអំបិលចូលឆាអោយសព្វ រួចរំងាស់រហូតដល់រីងទឹកដែលចេញពីសាច់។
5. ដាក់ទឹកបន្តិច រំងាស់រហូតដល់សាច់ឆ្អឹន និងស្ងួតទឹក ភ្លក្សរសជាតិតាមចំនូលចិត្ត រួចដាក់ខ្ញីចូលឆាពីរបីត្រឡប់ជាកាស្រេច៕

អ្នកស្រី សុគន្ធារី