ដល់ក !!! ស្ត្រីជើងឆើត រួមគំនិតជាមួយប្រុសស្នេហ៍ ស៊ីដាច់ម៉ូតូពួកម៉ាក
រាជធានីភ្នំពេញ ៖ ស្ត្រីជើងឆើតម្នាក់ បានរួមគំនិត ជាមួយសង្សារ ធ្វើសកម្មភាព លួចយកម៉ូតូ ១គ្រឿង ពីស្ត្រីម្នាក់ទៀត ដែលជា មិត្តភក្ដិរបស់ខ្លួន កាលពីជិត ២០ថ្ងៃមុន ហើយត្រូវបាន ស្ត្រីជាម្ចាស់ម៉ូតូ តាមរកឃើញ ក៏បានឃាត់ខ្លួន ប្រគល់ឲ្យនគរបាល ប៉ុស្ដិ៍កាកាប សួរនាំ និងកសាងសំណុំរឿង ចាត់ការតាមច្បាប់ កាលពីវេលាម៉ោង ២ រសៀល ថ្ងៃទី៣ ខែមីនា ឆ្នាំ២០១៧។
ស្ត្រីជាជនសង្ស័យ មានឈ្មោះ សៀន ស្រីលីន អាយុ ២៩ឆ្នាំ មុខរបរជា នារីម៉ាស្សា ស្នាក់នៅក្នុងភូមិ គោកចំបក់ សង្កាត់ចោមចៅ ខណ្ឌពោធិ៍សែនជ័យ បានធ្វើសកម្មភាព លួចយកម៉ូតូ ១គ្រឿង ម៉ាកហុងដា ស្កូបពី អត់ចាំស្លាកលេខ ដែលជាកម្មសិទ្ធិ របស់ស្ត្រីម្នាក់ទៀត ជាមិត្តភក្ដិរបស់ខ្លួន ឈ្មោះ អ៊ឹង គឹម អាយុ ២៩ឆ្នាំ ស្នាក់នៅក្នុង សង្កាត់ផ្សារអូឫស្សីទី២ ខណ្ឌ៧មករា រាជធានីភ្នំពេញ តាំងពីថ្ងៃទី១៥ ខែកុម្ភៈ ឆ្នាំ២០១៧ ។
មុនពេលបាត់ម៉ូតូ ស្ត្រីរងគ្រោះ រួមដំណើរជាមួយមិត្តភក្តិ ឈ្មោះ សៀន ស្រីលីន បានជិះម៉ូតូ ទៅដល់ មុខផ្ទះសំណាក់ ពន្លឺពេជ្រ ដែលមានទីតាំង ស្ថិតនៅតាមបណ្ដោយ ផ្លូវលេខ២០០៤ ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ដោយសារឈឺបត់ជើង ស្ត្រីដែលជាម្ចាស់ម៉ូតូ បានឈប់ចូលទៅបត់ជើង ដោយបានទុកម៉ូតូ នៅខាងមុខផ្ទះសំណាក់ និងបានឲ្យ ស្ត្រីដែលជា ជនសង្ស័យ ជួយមើល។ លុះពេលបត់ជើងរួច ចេញមកវិញ ស្រាប់បាត់ទាំងម៉ូតូ បាត់ទាំង ជនសង្ស័យ និងប្រុសស្នេហ៍ ក៏តាមរករហូត ប្រទះឃើញ ជនសង្ស័យ ក៏ឃាត់ខ្លួន ប្រគល់ឲ្យ សមត្ថកិច្ចតែម្តង៕
ដល់ក !!! ស្ត្រីជើងឆើត រួមគំនិតជាមួយប្រុសស្នេហ៍ ស៊ីដាច់ម៉ូតូពួកម៉ាក
Reviewed by Mong Kul
on
12:42 AM
Rating:
Reviewed by Mong Kul
on
12:42 AM
Rating:
No comments: