ស្ត្រីវ័យចំណាស់នៅតែគិតគូរពីចំណង់ផ្លូវភេទ និងមិនចង់ឲ្យស្វាមីមានស្រីញីខាងក្រៅ
តាមរយៈលទ្ធផល នៃការសាកសួរទៅលើ ស្ត្រីវ័យចំណាស់ចំនួន ៨០៦ នាក់ ដែលមានអាយុ ៦៧ឆ្នាំ បានរកឃើញថា ក្នុងអំឡុងពេល៤ សប្តាហ៍ មុនការនឹងឆ្លើយសំណួរចំនួន ៥០% នៃស្ត្រីវ័យចំណាស់ទាំងនោះ នៅមានការរួមភេទនៅឡើយ។ លទ្ធផលនៃការស្ទាបស្ទង់ បានឲ្យដឹងទៀតថា ៨៣% នៃស្ត្រីទាំងនោះ ដែលចាត់ទុកជាក្រុមអាយុតិច មានភាពស្ទុះស្ទារក្នុងការរួមភេទច្រើនជាង។
ចំណែក ១៣% ទៀត ដែលស្ថិតក្នុង ក្រុមអាយុច្រើន ទោះជាមានថាមពល ផ្លូវភេទ តិចជាងក្តី ក៏មិនមែនមានន័យថា មានការពេញចិត្តរឿងលើគ្រែ តិចជាងទេ ព្រោះតាមរយៈការសិក្សា បានរកឃើញថា ស្ត្រីទាំងពីរក្រុម មានការពេញចិត្ត ក្នុងការឈានដល់ចំណុចកំពូល ក្នុងការរួមភេទ មិនខុសគ្នាប៉ុន្មានទេ។ នោះបានសេចក្តីថា ចំនួនដង ឬភាពញឹកញាប់នៃការរួមភេទ ពុំមានឥទ្ធិពលចំពោះ សេចក្តីសុខផ្លូវភេទ របស់ស្ត្រីទាំងពីរក្រុមនេះទេ។
ក្រៅពីនោះ ស្ត្រីក្នុងក្រុមអាយុច្រើន ចំនួន ៤៧% ក៏មិនបានផ្តល់សារៈសំខាន់ ចំពោះការរួមស្នេហ៍ប៉ុន្មានដែរ ពួកគេអាចមានសេចក្តីសុខ ក្នុងជីវិតបាន ទោះជាពួកគេមាន ឬគ្មានភេទសម្ព័ន្ធក៏ដោយ ដរាបណាពួកគេ នៅតែទទួលបានការស្រឡាញ់ និងការយកចិត្តទុកដាក់ពីដៃគូ។ អ្នកស្រាវជ្រាវ បានឲ្យដឹងថា ស្ត្រីមានការពេញចិត្តផ្លូវភេទ កើនឡើងតាមអាយុ ហើយចំនួនពាក់កណ្តាលនៃស្ត្រី អាយុច្រើនជាង ៨០ឆ្នាំ មានការពេញចិត្ត នឹងការរួមភេទជានិច្ច។
ចំណែកអ្នកដែលពុំមាន ការរួមភេទ ពួកគេក៏អាចមានការពេញចិត្តផ្លូវភេទបាន ដោយការប៉ះពាល់រាងកាយ ការបាននៅក្បែរមនុស្សជាទីស្រឡាញ់ ដែលជួនកាលរឿងបែបនេះ មានសារៈសំខាន់ជាងការ ដល់ចំណុចកំពូលទៀតផង។ សរុបសេចក្តីមក ឃើញថា ទោះបីជាស្ត្រីអាយុច្រើនប៉ុនណា ក៏នៅមានតម្រូវការ ផ្លូវភេទខ្ពស់ គ្រាន់តែបន្ថយបរិមាណ និងទៅសង្កត់ធ្ងន់ លើគុណភាពជាង ដែលមើលទៅផ្ទុយពីភាគីបុរស ដែលអាយុកាន់តែច្រើន បែរជាព្យាយាម បង្កើនបរិមាណទៅវិញ៕
ស្ត្រីវ័យចំណាស់នៅតែគិតគូរពីចំណង់ផ្លូវភេទ និងមិនចង់ឲ្យស្វាមីមានស្រីញីខាងក្រៅ
Reviewed by Mong Kul
on
12:46 AM
Rating:
Reviewed by Mong Kul
on
12:46 AM
Rating:
No comments: