វិធីធ្វើ នំពុម្ពឈ្ងុយឆ្ងាញ់គួរអោយចង់ញាំុ

គ្រឿងផ្សំ

• ម្សៅអង្ករ ៣៥០ក្រាម
• ម្សៅមី ៣ស្លាបព្រាបាយ
• ស៊ុត ២គ្រាប់
• ខ្ទិះដូង ១ចានចង្កឹះ
• ស្ករស កន្លះចានចង្កឹះ
• សាច់ដូងកោស កន្លះចានចង្កឹះ
• អំបិល កន្លះស្លាបព្រាកាហ្វេ
• ប្រេងឆា
• ល្ងរ

វិធីធ្វើ

1. មុនដំបូងយកម្សៅអង្ករមកលាយជាមួយ អំបិល និងម្សៅមី រួចច្របល់ចូលគ្នាឲ្យសព្វទុកមួយឡែកសិន។
2. យកចានធំមួយគោះស៊ុតដាក់ចូលវាយវាឲ្យបែកសិន បន្ទាប់មកដាក់ស្ករស រួចកូរចូលគ្នា។
3. យកខ្ទិះដូងដាក់ចូលកូរចូលគ្នាឲ្យរលាយសព្វ ទើបយកម្សៅអង្ករដែលលាយទុកចាក់ចូល ជាមួយនិងសាច់ដូងនឹងល្ងរ។
4. កូរចូលគ្នាឲ្យរលាយបានសព្វល្អ រួចហើយទុកវាប្រហែលជា ១០នាទីសិន។
5. ១០នាទីក្រោយមក យកពុម្ពមកដាក់លើភ្លើងរួចលាបប្រេងឆាទាំងសងខាងទុកឲ្យក្តៅសិន ទើបយកម្សៅចាក់ចូលក្នុងពុម្ពទុកឲ្យឆ្អិនទាំងសងខាងជាការស្រេច៕
6. ពេលធ្វើញាំខ្លួនឯង ដឹងតែដាក់ដូងអោយច្រើនហ្មង ។