រំដួលដងស្ទឹងសង្កែ - មហាសង្ក្រាន្ត - ភ្លេងសុទ្ធ - musical instruments

I - មហាសង្ក្រាន ច្រានឆ្នាំមួយទៅ ទ្រូងសែនហ្មងសៅ 
នឹកព្រួយក្រែងពៅ ឆាប់ភ្លេចរឿងដើម រឿងបាត់ដំបង ចងទងដង្ហើម 
កាលជួបស្រីឆ្នើម រដូវសន្សើម ផ្ការីកស្គុះស្គាយ។

II - អូនដើររើសគ្រុំ ក្នុងស្ទឹងសង្កែ ភក្ត្រ័ដូចដួងខែ 
ថ្ពាល់ខួចមាសស្នេហ៍ នេត្រាពណ្ណរាយ ហត្ថាខ្ចីល្ហក់ សក់ខ្មៅរំសាយ 
បងគន់មិនណាយ ក្លិនខ្លួនឆោមឆាយ រាយសំណាញ់ស្នេហ៍។

(R) - វិចិត្រត្រករអើយ កុំបាច់គូសអី នៅក្នុងលោកីយ៍ ស្រីល្អគ្មានទេ 
មានតែរំដួល ដងស្ទឹងសង្កែ ដែលខ្ញុំលួចស្នេហ៍ 
ទោះរយខួបខែ ក៏នៅចាំចង។

ឥឡូវរដូវ ផ្ការីកវិលវិញ ទ្រូងសែនទោរម្និញ 
ព្យុះកម្មបក់ដេញ បាត់ផ្កាមួយទង ត្រីក្រឹមអូនស្លាប់ នៅក្នុងដបបង 
លិខិតនួនល្អង បងទុកទ្រាប់ខ្នង ដេកស្លាប់ក្នុងផ្នូរ៕