របៀបធ្វើ គ្រឿងក្នុងស្ងោរទឹកត្រីផ្អែម

គ្រឿងផ្សំ‬

• គ្រឿងក្នុងជ្រូក 
• សណ្តែកដីលីង ១ខាំ
• ខ្ទឹមក្រហម ២ដុំ
• ខ្ទឹមស ៥កំពិល
• ស្ករស ២ស្លាបព្រាបាយ
• ស្ករត្នោត ១ស្លាបព្រាបាយ
• ទឹកត្រី ៥ស្លាបព្រាបាយ
• ម្ទេស តាមចំនូលចិត្ត
• ក្រូចឆ្មារ ២ផ្លែ
• ទឹកក្រូចឆ្មារ ៣ស្លាបព្រាបាយ
• ទឹកឆ្អឹន ៤ស្លាបព្រាបាយ
• បន្លែ ស្លឹកជី ត្រសក់ សាឡាដ សណ្តែកបណ្តុះ

‪‎របៀបធ្វើ‬

1. ដាំទឹកអោយពុះ ដាក់អំបិលបន្តិច ទឹកក្រូចឆ្មារពីរបីតំណក់ ដាក់គ្រឿងក្នុងជ្រូកចូលស្ងោរអោយឆ្អិន រូចហាន់តូចៗល្មម។
2. លាងបន្លែអោយស្អាត រួចរៀបដាក់ចានមួយ ទុកញុាំជាមួយទឹកត្រី និងសាច់។

‪របៀបធ្វើទឹកត្រីផ្អែម‬

1. បុកសណ្តែកដី ម្ទេស ខ្ទឹមស ២កំពិស និងខ្ទឹមក្រហម ១ដុំ ចូលគ្នាអោយម៉ត់។
2. លាយសណ្តែកដី ទឹកក្រូចឆ្មារ ២ស្លាបព្រាបាយ ទឹកត្រី ២ស្លាប់ព្រាបាយ និងស្ករត្នោត ចូលគ្នាអោយសព្វ ដាក់ទឹកឆ្អិនចូល ភ្លក្សរសជាតិតាមចូលចិត្ត (ប្រៃ ផ្អែម)។

របៀបធ្វើទឹកត្រីហិល‬

1. ហាន់ខ្ទឹមស ៣កំពិស ខ្ទឹមក្រហម ១ដុំ និងម្ទេស ល្អិតៗ រួចលាយជាមួយ ទឹកត្រី ៣ស្លាបព្រាបាយ ស្ករស ទឹកក្រូចឆ្មារ ១ស្លាបព្រាបាយ ចូលគ្នាអោយសព្វ។
2. ចិតសម្បកក្រូចឆ្មារចេញអោយអស់ រូចឆ្កឹះយកតែសាច់ក្រូច លាយជាមួយទឹកត្រី ភ្លក្សរសជាតិតាមចំនូលចិត្ត។

អ្នកស្រី សុគន្ធារី