របៀបធ្វើ ឆាមាន់គល់ស្លឹកគ្រៃ

‎គ្រឿងផ្សំ‬

• មាន់ ១គីឡូ២ខាំ
• គល់ស្លឹកគ្រៃ ៣គល់ កាត់ខ្លីល្មម
• រំដេង បន្តិច (ដំអោយបែក)
• ស្លឹកក្រូចសើច ១៥សន្លឹក
• ម្ទេស ១០ផ្លែ
• ខ្ទឹមស ១០កំពឹស (ចិញ្រ្ចាំ ៣កំពឹស ដំអោយបែក ៧កំពឹស)
• ស្ករស ២ស្លាបព្រាបាយ
• ទឹកត្រី ២ស្លាបព្រាបាយ
• ម្សៅស៊ុប ១ស្លាបព្រាកាហ្វេ
• អំបិល កន្លះស្លាបព្រាកាហ្វេ
• ប្រេងខ្យង ២ស្លាបព្រាបាយ
• ប្រេងឆា ៥ស្លាបព្រាបាយ

របៀបធ្វើ‬

1. ដាំប្រេងឆាអោយក្តៅ ដាក់ស្លឹកក្រូចសើច រំដេង គល់ស្លឹកគ្រៃ ម្ទេស និងខ្ទឹមបំពងអោយស្រួយ សឹមស្រង់ទុកមួយអន្លើ។
2. ដាក់ខ្ទឹមចិញ្រ្ចាំ បំពងក្នុងប្រេងឆាអោយប្រែពណ៌ក្រហមល្អ សឹមដាក់សាច់មាន់ចូរឆាបីបួយត្រឡប់។
3. បន្ថែមរសជាតិដោយ ស្ករ អំបិល ម្សៅស៊ុប ទឹកត្រី និង ប្រេងខ្យង ឆាជាមួយរហូតដល់ស្ងួតទឹក។
4. ដាក់គ្រឿងបំពងចូល ឆាអោយសព្វ ភ្លក្សរសជាតិតាមចំនូលចិត្ត ជាការស្រេច៕

អ្នកស្រី សុគន្ធារី