កម្មវិធី ABC Spring របស់វិទ្យុ ABC live វីឌីអូស្រីៗចាប់ប្រុសៗពាក់ស្រោមអនាម័យ ផ្អើលពេញហ្វេសហ៊ុក

ក្រោយពេលបាត់មុខមួយរយៈពីទូរទស្សន៍ប៉ុស្តិ៍លេខ៣ បន្ទាប់ពីមានការរិះគន់យ៉ាងចាស់ដៃពីសំណាក់មហាជន និងទូរទស្សនិកជន ថ្មីៗនេះវិទ្យុ ABC បានលេចមុខសារជាថ្មី ជាមួយនឹងកម្មវិធី ដដែល​ គឺ កម្មវិធី ABC Spring នៅលើហ្វេសប៊ុកផេករបស់ខ្លួនតាមរយៈការ live វីឌីអូ។ ក្នុងកម្មវិធីនេះ គេសង្គេតឃើញថា ក្រុមបុគ្គលិករបស់វិទ្យុ ABC រួមទាំង អាចារ្យ A បាន ហាក់បីដូចជាមិនមានការខ្លាចញញើតក្នុងការបញ្ចេញមតិយោបល់ និងការសំដែងដើម្បីទាក់ទាញប្រជាប្រិយភាពពីំសំណាក់អ្នកទស្សនា។ ផ្ទុយទៅវិញទង្វើទាំងអស់នោះបានធ្វើអោយអ្នកទស្សនាមានការមិនពេញចិត្ត និងរិះគន់យ៉ាងខ្លាំងទៅកម្មវិធីនេះសាជាថ្មី។

ចូរកត់សំគាល់ដែរថា មានការចែករំលែកតៗគ្នាពេញបណ្តាញសង្គមអំពីវិឌីអូនៅក្នុងកម្មវិធី ABC 3 Spring ដែលបានធ្វេីការផ្សាយផ្ទាល់តាមរយៈ Facebook Page របស់ស្ថានីយ៍វិទ្យុអេប៊ីស៊ី។ នៅក្នុងវិដេអូដែលមានរយៈពេល៤នាទីបានបង្ហាញសកម្មភាពមិនសមរម្យមួយចំនួន រួមមានទាំងការសំដែងពាក់ស្រោមអនាម័យ ការចាប់ដោះអាវ និងការរត់ប្រដេញគ្នាយ៉ាងរញ៉េរញ៉ៃដែលធ្វើអោយអ្នកប្រើប្រាស់បណ្តាញសង្គមហ្វេសប៊ុកសម្តែងការរិះគន់មិនពេញចិត្តចំពោះសកម្មភាពដែលកើតមាននៅពេលកំពុងផ្សាយផ្ទាល់។