ម៉ៃ សុគន្ធ ហៅ​អតីតសង្សារយូរី «អាថោក»

តារាចម្រៀងម៉ៃ សុគន្ធ ប៉ុន្មានថ្ងៃនេះបានធ្វើការិះគន់ និងចាប់កំហុស ទៅលើមិត្តរួមអាជីពដូចគ្នា ដោយបានប្រកាសហៅ អតីតសង្សារ​ យូរី ថា​ចរិកធូរថ្លៃ និង​អាថោក ដែលជាហេតុធ្វើឲ្យអ្នកដឹកនាំ និងសិល្បករមួយចំនួន ដឹងរឿងពិត ផ្ទុះកំហឹង នឹង​តារាចម្រៀង​ខាងលើ។​

គេនៅចាំបានថា កាលពីយប់ថ្ងៃទី​៣០ ខែឧសភា ឆ្នាំ​២០១៧ លោករ៉េត ដែលជា​អតីត​មិត្តប្រុស​ តារាចម្រៀងយូរី បានបញ្ចេញនូវ​រូបភាពជាច្រើន និងសារបញ្ជាក់ថាពួកគេធ្លាប់បានរួមរស់ក្នុងដំបូលតែមួយរយៈពេល ៤ឆ្នាំហើយ ដែលធ្វើឲ្យផ្អើលមហាជន ទូទាំងប្រទេស ។​

ប៉ុន្តែអ្វីដែលធ្វើឲ្យគេកាន់តែចាប់អារម្មណ៍បន្តទៀតនោះ ម៉ៃ សុគន្ធ ចាប់ផ្តើមប្រើពាក្យអសុរស ដើម្បីទាញ​ការចាប់អារម្មណ៍ពីស្រទាប់មហាជន ដោយ​ប្រើពាក្យអាមឹង ស្តាប់ហើយធ្វើឲ្យលោក រ៉េត និងអ្នកដឹកនាំមួយចំនួនទៀត ទទួលមិនបាន ខណៈដែលរឿងពិត​នៅមិនទាន់បានដឹងច្បាស់ថាមកពីអ្វីអោយប្រាកដ​នោះ។

ម៉ៃ សុគន្ធ បានធ្វើការបញ្ចេញមតិនៅលើបណ្តាញសង្គមហ្វេសប៊ុកថា «ពាក្យសុំទោស បង្កប់ន័យចង់បំផ្លាញគេ(អាថោក ធ្វើអោយថោកមនុស្សប្រុសអស់ហើយ គំរាមស្រីទៀត) ខូចឈ្មោះអ្នកសិល្បះអស់ហើយ ។ មនុស្សចរឹកសែនមហាថ្លៃ ស្រីសុំបែកហើយ មកតាមបំផ្លាញគេទៀត សុំទោសនឹងល្អវិញហើយមែន ឡើងស្អុយទៅហើយ ប្តឹងវាទៅ» ។​

ការលើកឡើងយ៉ាងដូច្នោះរបស់ ម៉ៃ សុគន្ធ បានធ្វើឲ្យអ្នកដឹកនាំ និងតារាចម្រៀងមួយចំនួនផ្ទុះការកំហឹង ជួសលោករ៉េត អតីតអ្នកដឹកនាំ​នៅសាន់ដេ តែម្តង ដោយមិននឹកស្មានថា តារាចម្រៀងនិយមបទកូពី ហ៊ានបញ្ចេញមតិយ៉ាងដូច្នោះ៕