តាកែវខុស កំពង់ចាមខុស ឥលូវខុសដល់កំពង់ស្ពឺទៀត តើ គជប ចង់ខុស២៥ខេត្តក្រុងតែម្តង ឬយ៉ាងណា?

បញ្ហាចោទកើតឡើងជាបន្តបន្ទាប់ ចាប់តាំងពីថ្ងៃបោះឆ្នោត ជ្រើសរើស ឃុំសង្កាត់មក។ ករណីរាប់សន្លឹកឆ្នោតខុស បានធ្វើឲ្យប្រជាពលរដ្ឋ ចាក់ដោតសំនួរយ៉ាងខ្លាំងទៅលើ គជប។ មានការមិនពេញចិត្តជាខ្លាំង ចំពោះទង្វើររាប់សន្លឹកឆ្នោតរបស់ស្ថាប័ននេះ។

មានមតិខ្លះនិយាយថា មកពីបញ្ចូលទិន្ន័យលទ្ធផលបោះឆ្នោតច្រើនពេក ទើបបណ្តាលឲ្យមានកំហុសបច្ចេកទេសបន្តិចបន្តួច ប៉ុន្តែការខុសនេះ មិនមែនម្តងជាពីរដងទេ គឺច្រើនលើកច្រើនសារទៅហើយ ដោយធ្វើឲ្យប្រជាពលរដ្ឋខ្មែរ អស់ជំនឿចិត្តទៅលើ គជប បាត់ទៅហើយ។

ដូចច្នេះទើបនៅពេលដែលមានបញ្ហាទាំងនេះ កើតឡើង អ្នកលេងហ្វេសប៊ុក តែងតែនាំគ្នាបង្ហោះចែកចាយ និងដៀលជេរប្រមាថយ៉ាងចាស់ដៃ។

ថ្មីនេះមានការរាប់សន្លឹកឆ្នោតខុសដូចជា ខេត្ត តាកែវ ខេត្តកំពង់ចាម និងផ្សេងៗទៀត ដែលយើងមិនទាន់បានដឹង។ ពេលខ្លះបញ្ចូលទិន្ន័យខុស ក្នុងឃុំ ហើយពេលខ្លះទៀត ខុសក្នុងការិយាល័យ។

ជាក់ស្តែង ការិយាល័យលេខ ០១០៤ ក្នុងខេត្ត កំពង់ស្ពឺ ក៏មានការបញ្ចូលទិន្ន័យខុសដោយបច្ចេកទេសទៀតហើយ។ មានការស្នើសុំកែតម្រូវឲ្យបានឆាប់រហ័ស ជៀសវាងធ្វើឲ្យបាត់បង់នូវសន្លឹកឆ្នោត ដែលប្រជាពលរដ្ឋ ខំចំណាយពេលទៅបោះ នឹងសង្ឃឹមលើ មេឃុំថ្មី ដែលខ្លួនស្រលាញ់ និងបោះឲ្យ។










សូមកូនខ្មែរទាំងអស់ ជួយ Share ផង ដើម្បីឲ្យ គជប បានឃើញ និងកែតម្រូវផង។