ជីជី ដាក់​មួយឃ្លា ផ្ញើរជូន​អ្នក​ពូកែ​ចង់ដឹង​រឿង​នាង ស្ដាប់​ហើយ​ឆ្អែត!

ថ្មីៗនេះ កញ្ញាជីជី ជាពិធី​ការិនី​ដែល​មាន​សម្រស់​ស្រស់​ស្អាត​​ប្រចាំ​ស្ថានីយ​ទូរទស្សន៍ CTN កំពុង​កើតរឿង​ក្ដៅ​ក្រហាយ ដោយសារ​មាន​អ្នក​លួច​តាមដាន​នាង និង​ ចង់ដឹង​ពី​រឿងរ៉ាវ​របស់​នាង​តាមរយៈ​បណ្ដាញ​សង្គម រហូត​តារា​ស្រី​រូបនេះ​បញ្ចេញ​ពាក្យពេចន៍​មួយ​ឃ្លា​ជូនទៅ​បុគ្គល​នោះ​នៅលើ​បណ្ដាញ​សង្គម​ហ្វេ​ស​ប៊ុ​ក​របស់ខ្លួន​កាល​ពីពេល​ថ្មីៗ​នេះ ធ្វើឱ្យ​ប្រិយមិត្ត​អ្នកគាំទ្រ​កើតជា​ចម្ងល់​គ្រប់គ្នា។

ស្រីស្អាត ជីជី បាន​ដាក់​មួយឃ្លាថា «សូមមេត្តា​ឈប់​លួច​តាមដាន Facebook ឬ យក acc fAke មក​ចង់ដឹង​ចង់​ឮ​រឿង​ខ្ញុំ​ទៀត ​តាំងពីដើម​ខ្ញុំ​មិនដែល​និយាយ​មិនដែល​មាត់​ព្រោះ​ខ្ញុំ​មិន​ចង់​ប៉ះពាល់ ឬ ជ្រលក់​មាត់​ជាមួយ​មនុស្ស​ដោយសារ​ទ​ង្វើ​មើលងាយ​អ្នកដទៃ​ថា​អន់ ថា​គេ​ថោក តែ​គួរ​គិត​ត្រលប់​វិញ​ណា មុននឹង​ថាឱ្យ​អ្នកណា​មួយ​បក​ក្រោយ​គិតពី​ជិវិត​របស់​អ្នកឯង​ផង ! សូម​អរគុណ​ក៏​សូម​ជម្រាបលា​»

បើទោះបីជា​យ៉ាងណា តួឯក​ស្រី​ក្នុង​រឿង «​នំប៉័ង​សុបិន​ស្នេហ៍​» រូបនេះ មិនបាន​បញ្ជាក់​ពី​ឈ្មោះ​បុគ្គល​នោះ​ថា​ជា​នរណា​ឡើយ ប៉ុន្ដែ​នេះ​មិនមែនជា​លើកទីមួយ​ទេ​ដែល​តារា​សម្ដែង​ស្រី​រូបនេះ​បង្ហើរ​ពាក្យពេចន៍​ក្ដៅក្រហាយ​នៅលើ​បណ្ដាញ​សង្គម​បែបនេះ ៕