នុះ!!! នាង Patt តួឈ្នានីសក្នុងរឿង "បេះដូងពីរដើម្បីអូន" ត្រូវប៉ូលិសចាប់ខ្លួនពីបទលាងលុយកខ្វក់

ការិយាល័យបង្ក្រាបគ្រឿងញៀនថៃបានកោះហៅតារាសម្ដែង នាង Napapa Patt Tantrakul ដើម្បីផ្ដល់ព័ត៌មានអំពីទ្រព្យសម្បត្តិនិងប្រាក់ចំណូលផ្សេងៗជាច្រើនរបស់នាងដើម្បីពិនិត្យមើលថាតើទ្រព្យសម្បត្តិនិងប្រាក់ចំណូលនេះមានការជាប់ទាក់ទងទៅនឹងការលាងលុយរបស់ប្តីរបស់នាង គឺ ឈ្មោះ Akarakit Worarojcharoendet ឬហៅថា Benz Racing អ្នកប្រណាំងរថយន្តរូបនេះដែរឬអត់នោះ។

លោក Chatri Paisalsilpa ឧត្តមសេនីយ៍ប៉ូលិសនៃការិយាល័យប្រឆាំងគ្រឿងញៀនថៃ បាននិយាយនៅថ្ងៃចន្ទទី១៣ខែមីនាថា មេធាវីរបស់នាង Patt នឹងដាក់សំណើសុំពន្យារពេលសម្រាប់ការកោះហៅនេះនៅថ្ងៃនេះ (ថ្ងៃចន្ទទី១៣ខែមីនា) ដោយបានស្នើសុំឱ្យនាង ត្រូវបានសួរនាំនៅចុងសប្តាហ៍នេះ។

លោក Chatri បាននិយាយថា ការិយាល័យប្រឆាំងគ្រឿងញៀននឹងកោះហៅដើម្បីសាកសួរម្តាយ របស់លោក Akarakit និង បុគ្គលិកចំនួន២នាក់របស់គាត់ នៅហាងលក់គ្រឿងបន្លាស់កង់មួយនៅទីក្រុងបាងកក។

លោក Chatri បាននិយាយថា លោក Akarakit បានឱ្យគេដាក់លុយចំនួន១០០លានបាតនៅក្នុងគណនីធនាគាររបស់គាត់កាលពី២ឆ្នាំមុនហើយបានផ្ទេរប្រាក់ចំនួន២លានបាតទៅក្នុងគណនីធនាគាររបស់ម្តាយរបស់គាត់និងគណនីធនាគាររបស់ប្រពន្ធរបស់គាត់ ជាមួយនឹងស្ត្រី ច្រើននាក់ ដែលប្រឈមមុខការចោទប្រកាន់ពីបទសមគំនិតក្នុងការលាងលុយកខ្វក់នេះ។

លោក Akarakit ត្រូវបានចោទប្រកាន់ពីបទសមគំនិតក្នុងអំពើលាងលុយកខ្វក់ ប៉ុន្តែត្រូវបានអនុញ្ញាតឱ្យនៅក្រៅឃុំ៕