លោក Jose Mourinho បង្ហើបប្រាប់ឈ្មោះកីឡាករ ដែលត្រូវទិញនារដូវក្តៅ ខាងមុខនេះ

Mourinho គឺជាគ្រូបង្វឹកក្រុម Man.United បានប្រាប់សារពត៌មាន Sky Sports ថា “ខ្ញុំគិតថាយើងបានត្រៀមលក្ខណៈរួចរាល់ សំរាប់រដូវកាលថ្មី ក្នុងការបើកទ្វារទទួលស្វាគមន៏កីឡាករល្អៗមួយចំនួនបន្ថែមទៀត ដើម្បីមកពង្រឹងវិសាលភាពក្រុមយើង” ។

អ្នកចាត់ការទូទៅក្លឹបបិសាចក្រហម Man.United បន្ទាប់ពីបានដឹកនាំក្រុមទទួលជ័យជំនះពានរង្វាន់ EFL Cup កាលពី ថ្ងៃអាទិត្យកន្លងទៅនេះ កំពុងតែប្រមើលមើលពីការពង្រឹងក្រុមបន្ថែមទៀត ដោយត្រៀមរៀបចំនាំយកកីឡាករពីរ ទៅ បីនាក់បន្ថែមទៀត នៅពេលទីផ្សារដោះដូរកីឡាករនិងបើកសារជាថ្មីនារដូវក្តៅខាងមុខ។

គោលបំណងធំរបស់លោកMourinho គឺដើម្បីត្រៀមប្រកួតប្រជែងពានរង្វាន់ English Premier Ship រដូវកាល2017-2018 បើទោះបីរដូវកាលនេះក្លឹបបិសាចក្រហមចង់ប្រជែងយកជើងឯក ក៏ឪកាសបាត់បង់ស្ទើរតែទាំងអស់ទៅហើយ ខណៈពេលដែលក្លឹបMan.United មាន25ប្រកួត(សល់1ប្រកួតក្នុងដៃ)មាន48ពិន្ទុ តាមពីក្រោយ លេខ1កំពូលតារាងChelsea ចំនួន15ពិន្ទុ ខណៈការប្រកួតនៅសល់12ប្រកួតទៀត ប៉ុណ្ណោះ និង បិទរដូវកាលនោះ ។

ខ្សែប្រយុទ្ធជម្រើសជាតិបារាំង Antoine Griezmann វ័យ25ឆ្នាំរបស់ក្លឹប Atletico Madrid គឺបានទទួលយកសំណើរមួយឈានដល់កិច្ចព្រមព្រៀងក្នុងការផ្លាស់មកលេងនៅពហុកីឡាដ្ឋាន Old Trafford នេះហើយ ក្នុងតម្លៃកំនត់ត្រាពីភពលោកប្រមាណ 85លានផោន រួមជាមួយខ្សែបម្រើការពារសញ្ជាតិបារាំងវ័យ 22ឆ្នាំរបស់ក្លឹប Monaco កីឡាករ Tiemoue Bakayoko និង កីឡាករខ្សែការពារកណ្តាលវ័យ22ឆ្នាំ Victor Lindelof របស់ក្លឹប Benfica ដែលមានសញ្ជាតិស៊ុយអ៊ែត ក៏ជាគោលដៅរបស់គ្រូបង្វឹកសញ្ជាតិព័រទុយហ្គាល់នេះ ចាប់អារម្មណ៏ចង់បានមករួមក្រុមផងដែរ។

គ្រូបង្វឹកដែលមានរហស្សនាមថា Special One រូបនេះកំលុងពេលមុនបើករដូវកាលក្របខណ្ឌ English Premier Ship 2016-2017 បាននាំយកកីឡាករដ៏មានសក្តានុពលមួយចំនួនដូចជា:Zlatan Ibrahimovic(ខ្សែប្រយុទ្ធ)ពីក្លឹប PSG, Henrikh Makhytarian (បម្រើ-ប្រយុទ្ធ)ពីក្លឹបDormund, Eric bailly(ខ្សែការពារ)ពីក្លឹបVillareal, ដែលសុទ្ធសឹងជាកីឡាករ Key Player ដ៏សំខាន់ៗ នាពេលដែលគាត់ចូលមកដឺកនាំក្រុម Man.United ជំនួសលោក Luis Van Gaal ដែលត្រូវបានបណ្តេញចេញនោះ៕



Antoine Griezmann



Tiemoue Bakayoko



Victor Lindelof