៤ នាក់ស្ទាក់វាយបុរសម្នាក់បានមួយខ្សែក្រក្រវាត់...វាយបំផ្លាញម៉ូតូខ្ទេច
ព្រះសីហនុ ៖ អំពើហិង្សាបង្កឡើងដោយជនសង្ស័យ ៤ នាក់បានវាយបុរសម្នាក់នៅវេលាម៉ោង១២ និង៣០នាទីឈានចូល ថ្ងៃទី១២ ខែមីនា ឆ្នាំ២០១៧ នៅក្រុមទី១០ ភូមិ១ សង្កាត់១ ក្រុងព្រះសីហនុ។
ប៉ូលិសនិយាយថា ជនសង្ស័យមានគ្នាចំនួន ៤ នាក់ មានឈ្មោះដូចខាងក្រោម៖ ១.ឈ្មោះ កែវ ធា ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅក្នុងកាដ្ឋានសំណង់ភូមិ៤ សង្កាត់លេខ៤ ក្រុង-ខេត្តព្រះសីហនុ, ២.ឈ្មោះ អឹម សុវណ្ណរិទ្ធ ភេទប្រុស អាយុ៣២ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ដូចគ្នា, ៣. ឈ្មោះ ឡាយ ឆៃ ភេទប្រុស អាយុ២០ឆ្នាំ មុខរបរ និងស្នាក់នៅដូចគ្នា និង៤. ឈ្មោះ រិន ពេជ្រ ភេទប្រុស អាយុ២៣ឆ្នាំ មុខរបរ និងស្នាក់នៅដូចគ្នា។
ប៉ូលិសបន្តថា ជនសង្ស័យបានស្ទាក់ម៉ូតូជនរងគ្រោះវាយ១ខ្សែក្រវាត់ចំកែងដៃ ពេលនោះជនរងគ្រោះរត់ចោលម៉ូតូ ក៏ត្រូវក្រុមជនល្មើសប្រើប្រាស់មេសោរច្រវ៉ាក់, ដុំថ្ម, ដំបងឈើ វាយបំផ្លិចបំផ្លាញម៉ូតូរបស់ជនរងគ្រោះ បែកបាក់ជាច្រើនកន្លែង។
ជនរងគ្រោះឈ្មោះ កិ សម្ជស្ស ភេទប្រុស អាយុ២៩ឆ្នាំ មុខរបរអ្នកបើកបររថ្តយន្ត បច្ចុប្បន្នស្នាក់នៅកន្លែងកើតហេតុ។
វត្ថុតាងចាប់យកបាន មេសោរ និងច្រវ៉ាក់មួយ ឧបករណ៍ធ្វើសកម្មភាព។ ជនសង្ស័យខាងលើសមត្ថកិច្ចកសាងសំណុំរឿងបញ្ជូនទៅជំនាញ ដើម្បីចាត់ការបន្ត៕
៤ នាក់ស្ទាក់វាយបុរសម្នាក់បានមួយខ្សែក្រក្រវាត់...វាយបំផ្លាញម៉ូតូខ្ទេច
Reviewed by Mong Kul
on
9:03 PM
Rating:
Reviewed by Mong Kul
on
9:03 PM
Rating:
No comments: