បែកធ្លាយ! Jolie បានដឹកគ្រូសាក់ថៃមកសៀមរាបឱ្យសាក់រូបថ្មីដើម្បីរក្សាចំណងអាពាហ៍ពិពាហ៍ជាមួយ Pitt តែនៅតែជួយមិនបាន

លោកស្រី Jolie ត្រូវគេដឹងច្បាស់ថាស្រឡាញ់សិល្បៈសាក់រូបលើដងខ្លួន ដោយបានសាក់រូបជាង ១៥ តាំងពីនៅជំទង់ម្ល៉េះ។

ឥឡូវនេះ រូបសាក់ថ្មីមិនធ្លាប់ឃើញពីមុនមក របស់លោកស្រី Angelina Jolie បានលេចឡើង ដោយបង្ហាញតារាស្រីរូបនេះមានរូបសាក់ ដែលសាក់ដោយអតីតសង្ឃថៃ Ajarn Noo Kanpai រួមជាមួយប្តីទើបលែងលះ Brad Pitt ក្នុងខេត្តសៀមរាប ក្នុងប្រទេសកម្ពុជា។

តារាហូលីវូដ ដែលបានដឹកនាំរឿង "មុនដំបូងខ្មែរក្រហម បានសម្លាប់ប៉ារបស់ខ្ញុំ"សម្រាប់ Netflix បានឱ្យគេដឹកគ្រូសាក់ពីបាងកកមកសៀមរាបដើម្បីសាក់រូបឱ្យនាងនិង Pitt កាលពីខែកុម្ភៈ ឆ្នាំ២០១៦។

អំឡុងការមកស្រុកខ្មែរកាលពីឆ្នាំមុន នាងបានឱ្យគ្រូថៃសាក់យ័ន្តថ្មី ៣ លើខ្នងរបស់នាង ក្នុងនោះមានសាក់អក្សរ សាក់ខ្សែរាងធរណីមាត្រ និង សាក់រូបសត្វនានា។

អំឡុងពេលនោះ Brad Pitt ក៏ឱ្យគ្រូថៃសាក់រូបព្រះពុទ្ធនៅលើក្បាលពោះខាងឆ្វេងផងដែរ គឺតែប៉ុន្មានខែប៉ុណ្ណោះមុនពេល អ្នកទាំងពីរលែងលះគ្នាក្នុងខែកញ្ញាកន្លងទៅ។

អ្វីដែលជារឿងហួសចិត្តគឺថា រូបសាក់របស់អតីតប្តីប្រពន្ធនេះធ្វើឡើងក្នុងបំណងចងពួកគេឱ្យស្អិតរមួតរវាងប្តីនិងប្រពន្ធ ប៉ុន្តែវានៅតែមិនអាចជួយថែរក្សាចំណងអាពាហ៍ពិពាហ៍ពួកគេបាននោះឡើយ៕