ដើរទៅបទជើងតូចក្រោយរោងការពេលយប់ ស្រាប់តែត្រូវគេចាប់រំលោភ៣ដងផ្ទួនៗសំរេចបានព២ដង ក្រោយមកទើបបែកការ

ខេត្តកំពត ៖ ជនសង្ស័យម្នាក់ ត្រូវនគរបាល ស្រុកដងទង់ចាប់ឃាត់ខ្លួន បន្ទាប់ពីធ្វើសកម្មភាព ចាប់នារីម្នាក់រំលោភ សេពសន្ថវៈចំនួន៣ដង បានសម្រេច២ដង នៅចំណុចក្បែរគុម្ពោតព្រៃ ខណៈនាងទៅបត់ជើងតូច។ ជនសង្ស័យមានឈ្មោះទឹម រី ភេទប្រុស អាយុ១៩ឆ្នាំ មានទីលំនៅភូមិចឹក្សា ឃុំវិហារសួគ៌ ស្រុកខ្សាច់កណ្តាល ។ ប្រភពបានឱ្យដឹងថា មុនពេលកើតហេតុជនសង្ស័យបានមកចូលរួមក្នុងពិធីមង្គលការគេនៅស្រុកដងទង់លុះដល់វេលាម៉ោង៩យប់ ជនសង្ស័យក៏បានទៅនិយាយទូរស័ព្ទសួរសុខទុក្ខបងប្អូននៅឆ្ងាយពីរោងការជាង២០ម៉ែត្រ។ នៅពេលនិយាយទូរស័ព្ទរួចហើយ ជននេះមិនបានត្រឡប់មកកន្លែងរោងការវិញទេ គឺនៅសម្ងំអង្គុយនៅកន្លែងងងឹតកៀនគល់ដើមស្វាយ ខណៈនោះនារីរងគ្រោះបានដើរទៅបត់ជើងដោយមិនបានដឹងថា ជនសង្ស័យកំពុងពួននៅកៀនគល់ដើមស្វាយទេ ។

ប្រភពបន្តថា គ្រាន់តែនារីរងគ្រោះដើរទៅដល់ជនសង្ស័យក៏បានរត់មកអោប និងខ្ទប់មាត់នាងមិនឱ្យស្រែករួចនាំចេញពីកន្លែងដែលគេពួនសម្ងំបម្រុងទៅរោងចំបើង តែពេលទៅដល់ឃើញមនុស្សដើរកាត់ ជនសង្ស័យក៏គេចមកក្បែរគុម្ពោតព្រៃ រួចហើយធ្វើសកម្មភាពរំលោភសេពសន្ថវៈរហូតបានសម្រេច ហើយប្រាប់នាងថា កុំឱ្យនិយាយប្រាប់អ្នកណា រួចហើយជននេះក៏ត្រឡប់ទៅរោងការវិញ ចំណែកនារីរងគ្រោះមិនបានត្រឡប់មករោងការវិញទេ នៅអង្គុយសំកុកនៅកន្លែងកើតហេតុ។

ចំណែកជនសង្ស័យ នៅពេលអត់ឃើញនារីរងគ្រោះត្រឡប់មកកន្លែងរោងការវិញក៏វិលទៅកន្លែងកើតហេតុចាប់នារីរងគ្រោះរំលោភសេពសន្ថវៈរហូតបានសម្រេចជាលើកទី២ទៀត លុះលើកទី៣ក៏ធ្វើសកម្មភាពទៀតតែមិនបានសម្រេចដោយសារនារីរងគ្រោះយំខ្លាំងពេក។ ពេលឃើញនាងយំ ជនសង្ស័យក៏បានលួងលោមនាងឱ្យត្រឡប់មករោងការវិញ ។ ពេលមកដល់រោងការនារីរងគ្រោះបានរៀបរាប់ប្រាប់បងប្អូនពីសកម្មភាពដែលជនសង្ស័យប្រព្រឹត្តលើនាង ហើយក៏បានដាក់ពាក្យប្តឹងសមត្ថកិច្ចឱ្យចាប់ខ្លួនជនសង្ស័យទៅសួរនាំតែម្តង៕