ថៃត្រៀមនឹងបិទFacebookលែងអោយប្រើតទៅទៀតក្នុងពេលឆាប់ៗ

បើយោងទៅតាមការបញ្ជាក់របស់សមាគមន៏អ៊ីនធឺណេតរបស់ថៃហៅកាត់ថាTispa រដ្ធាភិបាលថៃបានដាក់សម្ពាធមកលើខ្លួនអោយកាត់ផ្តាច់ចោលនៃការប្រើប្រាស់បណ្ដាញសង្គមFacebookទាំងស្រុងនិងអោយបានឆាប់បំផុតតាមដែលអាចធ្វើទៅបាន។

ការកាត់ផ្តាច់ចោលប្រព័ន្ធFacebookនៅថៃអាចនឹងត្រូវធ្វើឡើងភ្លាមៗនៅថ្ងៃនេះតែម្ដង ប្រសិនបើលទ្ធផលនៃកិច្ចប្រជុំរវាងរដ្ធាភិបាលថៃនិងតំណាងក្រុមហ៊ុនFacebookទទួលបរាជ័យស្តីពីការលុបបំបាត់រាល់ការPostមាននិយាយម៉ាក់ងាយទៅលើមហាក្សត្រថៃ។

Tispaដែលបានចេញលិខិតផ្ញើរទៅកាន់ក្រុមហ៊ុនFacebookដោយបើកចំហរមួយដោយស្នើរសុំFacebookត្រង់ៗអោយលុបចោលPostទាំង១៣១ដែលនិយាយប្រមាថស្ដេចរបស់ខ្លួន បើFacebookមិនធ្វើតាមការស្នើរសុំទេ ខ្លួននឹងធ្វើតាមការកំណត់របស់រដ្ធាភិបាលគឺបិទFacebookចោលទាំងស្រុងតែម្ដង។

អ្នកនៅថៃអាចនឹងឃើញបែបនេះ

គួរបញ្ជាក់ផងដែរថាថៃមិនមានបំណងបិទFacebookនោះទេ ហើយរដ្ធាភិបាលក៏បានលើកហេតុផលប្រាប់ទៅក្រុមហ៊ុនFacebookផងដែរថាប្រជាជនខ្លួនប្រើប្រាស់បណ្ដាញសង្គមមួយនេះរាប់លានអ្នកហើយក្នុងមួយថ្ងៃៗចំណាយពេលលើវាច្រើនជាងបណ្ដាញសង្គមដទៃទៀតផង ប៉ុន្តែបើFacebookមិនអនុវត្តតាមការស្នើរសុំរបស់ខ្លួន ខ្លួននឹងធ្វើវាដោយខ្លួនឯង។

ប្រភព៖ Bangkokpost