របៀបធ្វើ សម្លម្ជូរដើមចេក

សម្លម្ជូរដើមចេក ជាសម្លដែលចូលចិត្តបំផុតដែលភរិយារបស់ខ្ញុំគាត់តែងតែចំអិនវាជារៀងរាល់សប្តាហ៍ម្តង។ ខាងក្រោមនេះនឹងនិយាយរៀបរាប់អំពីវិធីធ្វើ សម្លម្ជូរដើមចេក អោយអ្នកទាំងអស់គ្នាបានដឹង​ ៖

គ្រឿងផ្សំ

• ត្រីកញ្ចុះ ធ្វើស្អាត ២ ខាំ
• កំពឹស ១ ខាំ ធ្វើស្អាត
• ដើមចេក ខ្ចីៗ ២ ខាំ ចិតចង្វាមូល
• រំដេង បន្តិច ដំអោយបែក
• ខ្ទឹមស ២ កំពឹស ដំអោយបែក
• ប្រហុក (តាមចំនូលចិត្ត)
• ស្លឹកម្រះព្រៅ តាមចំនូលចិត្ត
• ម្ទេស ៣ ផ្លែ
• ទឹកត្រី ១ ស្លាបព្រាបាយ
• អំបិល កន្លះស្លាបព្រាកាហ្វេ
• ម្ជូរ (អំពិលទុំ ឬ ស្លឹកអំពិល ឬ ក្រសាំង ..............)

‪‎របៀបធ្វើ‬

1. ដាំទឹកអោយពុះ  ជ្រុំប្រហុកដាក់ រួចដួសពពុះចេញ រូចដាក់ អំបិល ម្ទេស ទឹកត្រី ខ្ទឹមស រំដេង និងម្ជូរ ចូល ទុកអោយពុះ សឹមដាក់ ដើមចេក រំងាស់អោយទន់។
2. ដាក់ត្រីចូល ទុកអោយពុះ សឹមដាក់ កំពឹសចូលទុកអោយពុះ ភ្លក្សរសជាតិតាមចំនូលចិត្ត សឹមដាក់ស្លឹកម្រះព្រៅចូលជាការស្រេច៕

អ្នកស្រី សុគន្ធារី